Xalq artisti qızı ilə Fransaya gedəcək
Mədəniyyət
10:01 / 26.08.13
Xalq artisti Alim Qasımov Fransa və Türkiyədə konsert proqramı ilə çıxış edəcək.
Axşam.az AzərTAc-a istinadən xəbər verir ki, konsert proqramı folklor musiqisinin dünyada təbliği ilə məşğul olan beynəlxalq fond tərəfindən reallaşdırılacaq.
Xalq artisti sentyabrın 15-də Fransada, sentyabrın 25-də isə Türkiyədə konsert verəcək. Xarici səfərlərdə görkəmli muğam ifaçısının qızı, əməkdar ərtist Fərqanə Qasımova da iştirak edəcək.
Sənətçiləri kamançada Rauf İslamov, tarda Zəki Vəliyev, balabanda Rafael İsgəndərov müşayiət edəcək.