Bu gün Gürcüstanın paytaxtı Tbilisi şəhərində yerləşən televiziya qülləsi Azərbaycan bayrağının rəngləri ilə işıqlandırılıb.

Axşam.az APA-ya istinadən xəbər verir ki, 28 May Respublika Günü münasibəti ilə qonşu ölkənin paytaxtının ən hündür nöqtəsi sayılan Mtatsminda parkındakı televiziya qülləsi Azərbaycan bayrağının rəngləri ilə işıqlandırılıb. Mavi, qırmızı və yaşıl rəngdə işıq saçan 275 metr hündürlükdəki nəhəng tikilini Tbilisinin ən ucqar nöqtələrindən də gözlə görmək mümkün olub.

28 May Respublika Günü münasibəti ilə paytaxtın mərkəzi Azadlıq meydanında yerləşən tarixi Sakrebulo (Şəhər Şurası) binası da Azərbaycan bayrağının rəngləri ilə işıqlandırılıb.