Araşdırmaya görə, arıqlamaq istəyən insanların tez-tez istifadə etdiyi kalori sayma üsulu yerinə aralıq oruc tutması daha faydalıdır.

Axşam.az xəbər verir ki, bu, pəhriz növü qan şəkəri və qarın yağını idarə etməyə kömək edir.

ABŞ-ın İllinoys Çikaqo Universitetinin alimləri 75 nəfərdən ibarət qrupu altı ay ərzində təqib edərək qeyd ediblər ki, vaxt məhdudiyyəti olan pəhrizə əməl edən 2-ci tip diabetli insanlar, kalori hesablayan insanlar qədər qarın yağını itirib və qan şəkərini yaxşılaşdırıblar.

Araşdırmaya rəhbərlik edən qidalanma üzrə professor Krista Varadi "Bizim tapıntılar göstərir ki, vaxt məhdudiyyəti ilə qidalanma arıqlamaq üçün kalori saymaqdan yorulan 2-ci tip diabetli insanlar üçün əlverişli bir alternativdir" deyə, bildirib. Araşdırmada vaxt məhdudiyyəti olan yemək yeyənlər 3,6%, kalori hesablayanlar isə 1,8% çəki itirib.

Onlara istədiklərini yeməyə icazə verilsə də, "yemək pəncərəsini gündə 8 saatla məhdudlaşdırmaqla, aralıq oruc tutanların təbii olaraq gündə təxminən 300 kalori azaldığını gördük" deyə, Varadi əlavə edib. 

Əhəmiyyətli və təəccüblü olan o idi ki, hər iki qrup əvvəlki üç ayda qan şəkərinin orta səviyyəsini ölçən A1C testini əhəmiyyətli dərəcədə yaxşılaşdırıb.

Varadinin dediyinə görə, hər iki qrup diabet, ürək xəstəliyi və insult kimi xəstəliklərə səbəb olan təhlükəli visseral yağları bərabər miqdarda itirib.