Balanslı və sağlam qidalanma bədənimiz üçün son dərəcə vacibdir. Bu pəhriz ilə sağlamlığımızı qoruya və xəstəliklərə yoluxma riskini azalda bilərsiniz. Bundan əlavə, sağlam qidalanma beynin inkişafına və güclənməsinə kömək edir.

Axşam.az xəbər verir ki, aşağıdakı qidalar beyin sağlamlığını qoruyaraq cavanlaşdırıcı təsirə malikdir. Qeyri-sağlam qidalanma piylənmə ilə yanaşı, beyni qocaldır. Xüsusilə qeyri-müntəzəm qidalanma sinir sisteminə mənfi təsir göstərə bilər. 

Fol turşusu beynin inkişafında mühüm rol oynayır. Xüsusilə, hamiləlik dövründə gələcək anaların bu turşudan lazımi miqdarda qəbulu körpənin beyin inkişafında çox mühüm rol oynayır. Fol turşusu yalnız körpələr üçün deyil, böyüklər üçün də son dərəcə vacibdir. Fol turşusu ilə zəngin qidalardan istifadə yaddaşınızı gücləndirir və beyninizi sağlam saxlayır.

Alzheimer və buna bənzər demans xəstəliklərinə qarşı tədbir görmək istəyirsinizsə, ispanaq, noxud, limon və lobya kimi qidaları mütəmadi olaraq istehlak etməyi unutmayın.

Tədqiqatlar göstərir ki, E vitamini olan qidaların müntəzəm istehlakı beyin sağlamlığını qorumağa kömək edir. E vitamini qəbulunuzu artırmaq üçün mütləq qoz və badam kimi qidaları mütəmadi olaraq qəbul edin. Bu iki qida beynin inkişafında mühüm rol oynayır. Qozun tərkibindəki doymamış yağ turşuları yaddaşı gücləndirərək sinir effektlərini yaxşılaşdıra bilər. Səhər yeməyində bu iki sağlam qozdan bir ovuc istehlak etməyiniz tövsiyə olunur.

Müalicə mənbəyi olan qaragilə tərkibində yüksək miqdarda antioksidanlar, xüsusilə flavonoidlər var. Araşdırmalar göstərib ki, qaragilə beyin sağlamlığına əhəmiyyətli dərəcədə təsir edir.

Pomidor tərkibindəki C və A vitaminləri ilə tanınsa da, tərkibində ürək xəstəlikləri ilə mübarizə aparan komponentlər də var. Bundan əlavə, pomidor mühüm beyin qidası kimi də tanınır. Bu sağlam qida antioksidantlar və likopenlə zəngindir. Odur ki, bu möcüzəvi qidanı yeməklərinizə və salatlarınıza əlavə etməyi unutmayın.

Brokoli antioksidantlarla zəngin qida mənbəyidir. O, həmçinin güclü xərçənglə mübarizə aparır. Bu xüsusi qida zəngin K vitamini tərkibi ilə tanınır. Bu vitamin beyin hüceyrələrinin çoxalmasını dəstəkləyir və beynin bərpasına kömək edir.