Müğənni Kamilə Nəbiyevanın adından dələduzluq edilib. 

Axşam.az xəbər verir ki, muğam ifaçısı adından istifadə edərək yaxınlarından pul istədiklərini vurğulayıb:

"Mənim adımdan saxta profil və nömlərdən yazıb pul istəyirlər. Mən deyiləm, inanmayın və heç kimə pul göndərməyin. Bu nömrədən yazan şərəfsizə inanmayın. Səhərdən nə qədər dost-tanış mənə və həyat yoldaşıma yazıb bizi bundan xəbərdar edib".  

Xatırladaq ki, Kamilə ötən il prodüser Pərvin Fətəliyevlə ailə qurub. 

Qeyd edək ki, bundan əvvəl Əməkdar artistlər Sənubər İsgəndərli, Fərqanə Qasımova, rəqqasələr Rəna Ağamuradova (Renka), Fatimə Fətəliyeva, aparıclar Mətanət Əliverdiyeva, İlkin Həsəni, Tarix Əliyev (Tolik), aktrisa Pərvin Abıyevanın da başına bənzər hadisə gəlib.