Müğənni Səidə Dadaşova atası, mərhum Xalq artisti Rafael Dadaşovla bağlı etiraf edib.

Axşam.az xəbər verir ki, "Xəzər axşamı" proqramında qonaq olan ifaçı atasının rolunun əlindən alınmasından söz açıb:

"Bu yaxınlarda Kubra Əliyeva ilə görüşmüşdüm. Atamla bağlı bir məsələni danışdı. Deyir ki, illər əvvəl "Hökmdar qız" tamaşasında Rafael dadaşovla tərəf müqabili olmalı idik: "Orada onun xanımını oynayacaqdım. 8 ay məşq etdik. Tamaşaya bir ay qalmışdı. Gəldim ki, Həsən Turabov boynubükük oturub. Dedi ki, Rafael oynamayacaq, verdilər başqasına. Dedim ki, 8 ay məşq edirik. Belə olar?".

Kubra Əliyeva da oynamaqdan imtina edib. Görün, sənətkarı necə küsdürürdülər. Atam nə qədər küsürdü. Onun önünü belə kəsirdilər".