Nyu-Yorkda baş tutan “Met Gala 2015” (“Bal institutunun kostyumları”) bütün iştirakçıların qatıldığı "after party"lər ilə davam edib.

Axşam.az-ın xarici KİV-ə istinadən məlumatına görə, üç müxtəlif məkanda baş tutan gecədə qonaqların bəziləri fərqli geyimləri ilə görünüblər. ABŞ-lı dizayner Maykl Kors "The Mark Hotel"də hər kəsi müğənni Migelin ifası altında rəqsə dəvət edb.

Eyni zamanda barbadoslu müğənni Rihanna öz dostları ilə "Up&Down" klubunda əylənib. Yeri gəlmişkən, Rihanna geyimini dəyişərək transparan (şəffaf) libasda olub.
 
Günün üçüncü partisi isə "Standart Hotel"də bütün ulduzların iştirakı ilə təşkil edilib. Jurnalistlərin sözlərinə görə, məşhurlar o qədər yorğun olublar ki, tədbiri rəqs etmədən başa vurublar.

Qonaqlar arasında Madonna, Robert Pattinson, Kerri Vaşinqton, Rozi Hantinqston-Uaytli, Rita Ora,Keti Holms, Con Leqend, Kristi Teyqen, Adriana Lima, Cennifer Lourens, Selena Qomez və digər ulduzlar olub.