Bakı 2015 İlk Avropa Oyunlarının keçirilməsi ilə əlaqədar Binəqədi rayonunda abadlıq-quruculuq işləri həyata keçirilib.

Axşam.az-ın məlumatına görə, Binəqədi Rayon İcra Hakimiyyətinin təşəbbüsü ilə müxtəlif növdə dekorativ ağaclar, kollar, güllər əkilib, rayonun müxtəlif ərazilərində idman növlərinin obrazlarını özündə əks etdirən fiqurlar quraşdırılıb.

Bundan əlavə, Bakı 2015 I Avropa Oyunları ilə əlaqədar Xocasən qəsəbəsi Sulutəpə yaşayış massivində yeni dayanacaq və taksilərin müvəqqəti dayanacağı üçün müasir tələblərə cavab verən gözləmə ofisi inşa edilərək sakinlərin istifadəsinə verilib.