Ötən gün “Miss Turkey 2015” yarışması baş tutub.

Axşam.az-ın “Hürriyət”ə istinadən məlumatına görə, Ayşə Xatun Önalla Kənan Doğulunun mahnıları ilə rənglənən gecədə qardaş ölkənin ən gözəl qızının adı bəlli olub.

Belə ki, Türkiyəni “Miss World” yarışmasında “1 nömrə” ilə 18 yaşlı model Ecem Çırpan təmsil edəcək. Birinci yerə çıxan Ecem kollej məzunudur və universitet imtahanlarına hazırlaşır. İkinci yerin sahibi isə “4 nömrə” ilə 19 yaşlı Aslı Melisa Uzun olub. 3-cü və 4-cü yerləri isə ardıcıl olaraq “13 nömrə” ilə 20 yaşlı Hazal Subaşı, “15 nömrə” ilə 20 yaşlı Şəvval Ayvaz tutublar.