Avqustda 13 ildir birlikdə olduğu musiqiçi Qevin Rossdeyldən ayrılan müğənni Qven Stefani yeni mahnısını təqdim edib.

Axşam.az-ın xarici KİV-ə istinadən məlumatına görə, o, bir neçə gün əvvəl Nyu-Yorkdakı konsertində  boşandıqdan sonra yazdığı ilk mahnısını səsləndirib.

Boşanma vaxtı sərvətlərinin bölünməsində ciddi problem yaşayan müğənni ifasından əvvəl deyib:

"Bu yaxınlarda yazdığım mahnını sizlərlə bölüşmək istəyirəm. Bu çox xüsusi mahnıdır".

Mahnıda "heç kim sənə sevməyi öyrədə bilmədi", "mən düşünürdüm ki, sən hamından yaxşısan" ifadələri Stefaninin hələ də acı çəkdiyini düşünməyə əsas verib.

Qeyd edək ki, Q.Stefani və Q.Rossdeyl 1996-cı ildən sevgili olublar, 2002-ci ildə isə onlar münasibətlərini rəsmiləşdiriblər. Cütlüyün bu zamanda üç uşağı dünyaya gəlib.