Məşhur "H&M" və "Balmain"in Türkiyədəki VİP dəvətində biabırçılıq baş verib.

Axşam.az-ın Türkiyə mediasına istinadən məlumatına görə, 1500 lirəyə (təxminən 600 manat) palto və buna bənzər qiymətdə geyim ala bilmək üçün dəvətə gələn tanınmışlar bir-birini itələyib.

Aralarında modelyer Nur Yerlitaş və müğənni Fatih Ürekin də olduğu yüzlərlə tanınmış  və xüsusi dəvətlilər mağazanın açılışında izdiham yaradıblar. Sosial mediada bu görüntüləri "görməmişlik" adlandıran istifadəçilər belə halların heç yardım paylayarkən baş vermədiyini deyiblər.

Hadisənin şahidləri orada moda və sənət dünyasından bir çox insanın olduğunu qeyd ediblər.