ATV telekanalında “Azərbaycanın səsi bala Türkvision” adlı yarışma başlayır.

Bu haqda Axşam.az-a verilişin aparıcısı Fizzə İsmayılova məlumat verib. O, seçim turlarının artıq başa çatdığını bildirib:

“Münsif kürsüsündə əməkdar artist Abbas Bağırov, müğənni Elton Hüseynəliyev və bəstəkar Ülviyyə Bəbirli əyləşib. 8-14 yaş arası uşaqlar arasında seçim edilib. Yarışma 4 həftə davam edəcək. Müsabiqənin qalibi ölkəmizi Türkiyədə keçiriləcək uşaq “Türkvision” yarışmasında təmsil edəcək”.

Qeyd edək ki, müsabiqənin ilk buraxılışı həftənin şənbə günü saat 18:30-da yayımlanacaq.