Müğənni Zamiq Hüseynov uzun müddətdir gündəmdən uzaqlaşmasının səbəbini açıqlayıb.

Axşam.az-ın əməkdaşı ilə söhbətində sənətçi yeniliklər hazırladığını deyib:

“Hər dəfə geri çəkiləndə bir yeniliklə geri qayıdıram. Bu dəfə də “Sən olmasan” adlı yeni mahnımla çıxdım. Sözləri Leyliyə, musiqisi isə mənə məxsusdur”.

Tez-tez İstanbula gedən sənətçi oradan ev alıb-almaması ilə bağlı sualları belə cavablandırıb:

“Hər üç aydan bir Türkiyəyə gedirəm, gəzib gəlirəm. Hələ orada evim yoxdur. Amma gələcəkdə düşünürəm. Niyə də olmasın ki...”.

“ZH” adlı geyim mağazası olan Z.Hüseynov onun bağlanma xəbərlərini yalanlayıb:

“Mağazam bağlanmayıb. Başqa bir məkana köçüb. Bu yaxınlarda onun da reklam işləri ilə məşğul olacağam”.

8 Mart Beynəlxalq Qadınlar günü münasibətiylə xanımları təbrik edən müğənni “Bütün xanımları təbrik edirəm. Mənim də özəl hədiyyə alacağım bir xanım var” deyə, əlavə edib.

Foto: Ramin ASLANOV