Müğənni və aktyor Əmrah ötən gün Arnavutköydə kafelərdən birində ailəsi ilə şam edib.

Axşam.az Türkiyə mətbuatına istinadən xəbər verir ki, sənətçi çıxışda jurnalistləri görüb təəccüblənib.

Geri qayıdan Əmrah avtomobilinin qapının ağzına gətirilməsini gözləyib. Daha sonra o, övladı qucağında, xanımı Sibel Erdoğan və qayınanası ilə ərazini tərk edib.

Əmrah jurnalistlərin suallarını cavablandırmaqdan imtina edib.

Qeyd edək ki, Əmrahın Sibellə nikahından bir qız, bir oğlu, birinci evliliyindən isə Tayfun adlı bir oğlu var.