Ölkəmizi bu il “Eurovision”da təmsil edəcək müğənni Elnur Hüseynov “Show TV”də yayımlanan aparıcılığını müğənni Alişan və model Çağla Şikəlin etdiyi “Hər şey daxil” verilişinin qonağı olub.
Axşam.az-ın məlumatına görə, ifaçının soyadı verilişdə “İsmayılov” deyə yazılıb. E.Hüseynovun iradından sonra səhv düzəldilib.
Yeniliklərindən danışan ifaçı "Eurovision"dan sonrakı planlarını açıqlayıb:
“Mayı başa vurub, yaradıcılıq işlərimdə yeniliklər edəcəm. Türkiyəyə qayıdacam. Burada yeni bir albom hazırlayacam. Bir yox, bir neçə mahnılar təqdim edəcəm".
Qeyd edək ki, “Eurovison 2015”in I və II yarımfinalı müvafiq olaraq mayın 19 və 21-də, final mərhələsi isə 23-də keçiriləcək. E.Hüseynov «Hour of the Wolf» mahnısı ilə Azərbaycanı təmsil edəcək.