Ötən həftə paytaxtımıza gələn Türkiyəli müğənni Hadisə Bakıda sürprizlə qarşılaşıb.
Axşam.az-ın məlumatına görə, sənətçi “ATV maqazin” verilişinə açıqlamasında bildirib ki, qaldığı oteldə onu təəccübləndirəcək olay baş verib:
“Otağımda şamlarla Hadisə sözü yazılmış, çiçəklər düzülmüşdü. Kimin etdiyini bilmirəm, amma həyatımda ilk dəfə belə bir şeylə qarşılaşırdım. Çox bəyəndim”.
Sevgilisi olmadığından şikayətlənən türkiyəli ifaçı Bakıya köçəcəyini bildirib:
“Bakıda qismətim açıldı. Artıq buraya köçməyi düşünürəm”.
O, həmçinin deyib ki, bazar günü yenidən şəhərimizə gələcək:
“Özəl tədbirə dəvət aldım. Bazar günü yenidən buraya qayıdıram. Bakını çox sevirəm”.