Əməkdar artist Ədalət Şükürovun anasını itirməsindən bir il ötüb.

Axşam.az-ın məlumatına görə, müğənni “ATV maqazin” verilişinə müsahibəsində onun üçün çox darıxdığını deyib. Anasını yadına salıb kövrələn sənətçi gənclərə öz məsləhətini verməyi unutmayıb:

“Uşaq olarkən ayağım harasa dəyəndə anama deyirdim ki, üfür ağrısı keçsin. O, üfürən kimi həqiqətən də düzəlirdi. Anam üçün çox darıxıram. Onun yeməklərindən bir də dada bilməyəcəm. Doğrudan da onun kimi heç kim yemək bişirməyib. İndi uşaqlar genetik qidalara üstünlük verirlər, ana hazırladığının dəyərini bilmirlər. Uşaqlara məsləhət görürəm ki, analarının qədrini bilsinlər”.