Martın 3-də Mədəniyyət və Turizm Nazirliyi və Azərbaycan Aşıqlar Birliyinin (AAB) birgə təşkilatçılığı ilə Xalq Şairi Zəlimxan Yaqubun xatirəsinə həsr olunmuş “Zəlimxan özü var xatirələrdə” adlı ədəbi-bədii gecə keçiriləcək.
Axşam.az-ın məlumatına görə, AAB-dən AzərTac-a bildirilib ki, tədbirdə şairin poeziyasından nümunələr səsləndiriləcək, incəsənət ustaları şairin əsərlərinə bəstələnmiş mahnıları ifa edəcək, aşıqlar saz havası üstündə şeirlərini oxuyacaqlar.