İngiltərənin baş naziri Tereza Mey və Şotlandiya baş naziri Nikola Sturgeonun rəsmi görüşündəki bir nüans medianın diqqətindən yayınmayıb.

Axşam.az-ın məlumatına görə, "Daily Mail" qəzeti bugünkü manşetində nazir qadınların yanaşı fotosunu qoyaraq "Brexit"i yaddan çıxarın, ayaq şousunu kim qazanacaq?" yazıb. Lakin qəzetin bu başlığı ciddi tənqidə səbəb olub. Sosial mediada "Daily Mail" cinsiyyətçilik və axmaqlıqda günahlandırılıb.

Hər iki qadının qısa ətəkləri qəzet tərəfindən tənqid edilsə də, çoxları bunu "normal geyim" adlandırıb. İngiltərənin rəsmi şəxsləri "Artıq 2017-ci ildəyik. Bu cür yanaşmalar çox utandırıcıdır" yazaraq hadisəyə münasibətlərini bildiriblər.