Rusiyanın Saratov şəhərində yaşayan 20 yaşlı Yuliya Vins öz görünüşü ilə hər kəsi təəccübləndirir.

Axşam.az xarici mediaya istinadən xəbər verir ki, “barbi” kuklasına bənzəyən üz quruluçşuna sahib olan qız fitness həvəskarıdır. 15 yaşından idmanla məşğul olan Yuliya uşaqüzlü olmasına baxmayaraq, əzələli bədənə sahibdir. Vins idmana olan həvəsini ailəsinə borclu olduğunu bildirib:
 
“Ailəm heç vaxt mənə mane olmadı. Ətrafımdakı bəzi insanlar məni başa düşmədi. Rəfiqələrimin çoxu bu işi buraxıb başqa məşğuliyyət tapmağımı söyləyirdi”.

67 kiloqram çəkisi olan Yuliya bir sıra beynəlxalq yarışların qalibidir. Onun İnstaqramda 400 mindən çox izləyicisi var.