ATV telekanalında yayımlanan “Onlar” verilişinin “Top 10” rubrikasının həftəlik nəticələri açıqlanıb.

Axşam.az-ın məlumatına görə, "10-luğ"a yeni kliplər daxil olub.

Müğənni Elvin Abdullayevin “Ayrılıb gedirsən” klipi dörd pillə geriləyərək doqquzuncu, ötən həftənin birincisi Zamiq Hüseynovun “Gör nələr oldu” ekran işi dördüncü olub.

Rəqsanənin “Alma məndən gözlərini” klipi isə doqquzuncu sıradan üçüncü pilləyə yüksəlib.

Xalq artisti Zülfiyyə Xanbabayeva və Miri Yusifin “İki doğma insan”ı ikinci yerdə olub.

Müğənni Azəri qızı Günel isə “Hər şeyə dəyər” klipi ilə həftənin birincisi seçilib.

Qeyd edək ki, həftə ərzində “Onlar”ın “Facebook” səhifəsinə (https://www.facebook.com/10LAR ) daxil olmaqla bəyəndiyiniz klipə səs verib birinci edə bilərsiniz.