"Evdəkilərə salam" verilişi bu dəfə xalq artisti Nisə Qasımovanın evində qonaq olub.

Axşam.az-ın məlumatına görə, müğənni sözügedən mənzildə oğlu və gəlini ilə yaşadığını bildirib. Ailəsindən danışan Qasımova 3 qardaşını itirdiyini, cəmi iki bacı qaldıqlarını söyləyib.

"Şeytan xislətli insanlar taleyimə müdaxilə edirdi. Bunlar həqiqətdir. Uğur məndən qaçdı. Hər bir qız istəyər ailə qursun, uşaq dünyaya gətirsin. Olmadı. İndi istəmirəm artıq" deyə, N.Qasımova deyib.

Qeyd edək ki, müğənni ailəli olmayıb. O, qardaşı övladlarına "övladım" deyir.