Axşam saatlarında məclislərin birindən çıxan xalq artisti Zülfiyyə Xanbabayeva “Qafqazinfo”nun fotokamerasına tuş gəlib.

Buna gülümsəməklə reaksiya verən müğənni mətbuatda çox görünmək istəmədiyini bildirib: “Mətbuata çox çıxmağı xoşlamıram. Niyə çıxım axı? Çox müsahibə verməyi sevmirəm. Müsahibə vermək məcburiyyətində qalanda həmsöhbətimi yola verirəm. Deyim ki, bəzi müğənnilər kimi efirlərdə tez-tez görülməyi sevirəm, bu yalan olar. Normal, sakit həyata üstünlük verirəm. Buna görə bəzən qələm əhli məndən inciyir. Bax, indi özüm istədim, həm sizlə danışdım həm də açıqlama verdim... Bu, anidən baş verdi”.

Xalq artisti açıqlamasından sonra prodüseri Nigarla birlikdə maşınına minərək ərazidən uzaqlaşıb.