Aktrisa-aparıcı Xəyalə Quliyeva sosial şəbəkədə pərəstişkarlarının suallarını cavablayıb.

Axşam.az xəbər verir ki, izləyicilərdən biri onun makiyajdan çox istifadə etməsinə görə tənqid edib. X.Quliyeva isə irada qarşı belə reaksiya verib:

“Qətiyyən elə deyil. Kirpik qaynağı makiyajı çox göstərir. İnstaqramın hekayə bölümündə paylaşdığım fotolarda “filt” effektidir. Normalda, sadəcə üzümə tonlaşdırıcı krem çəkirəm. Bu qədər... Göz üçün kölgə və qələmdən istifadə edirəm. Siz deyəsən "vulqar" makiyaj görməmisiniz".

Qeyd edək ki, bir müddət əvvəl Xəyalə Quliyeva “Xəzər” TV-də yayımlanan "Bir gün sizdə, bir gün bizdə" proqramından ayrıldığını bildirmişdi.