İspaniyada səhnə alan rusiyalı teleaparıcı və komediya aktyoru Maksim Qalkinin Ukrayna dilində zarafatlar etdiyi bildirilib.

Axşam.az xəbər verir ki, bu barədə "НеМалахов" teleqram kanalı məlumat yayıb. Belə ki, tamaşaya gələnlərdən biri bununla bağlı sosial media hesabında paylaşım edərək "Sözlərinə və dəstəyinə görə çox sağol, böyük ruh yüksəkliyi yaratdı. Ukrayna dilində olan zarafatların da əla idi" deyə, yazıb.

Qeyd edək ki, Rusiya Ədliyyə Nazirliyi “siyasi fəaliyyətlə məşğul olduğu” və Ukraynadan maliyyə aldığı iddiası ilə Maksim Qalkini xarici agent siyahısına salıb. Qalkin hazırda ailəsi ilə birgə xaricdə yaşayır.