"Bozun əlli çaları" serialının ulduzu Dakota Conson 7 illik münasibətdən sonra müğənni sevgilisi Kris Martinlə nişanını qaytarıb.

Axşam.az xəbər verir ki, bu barədə "Daily Mail" məlumat yayıb.

Aktrisa "Coldplay" qrupunun solisti ilə 7 ildir birlikdədir. 47 yaşlı musiqiçi ilə 34 yaşlı aktrisa bu ilin martında nişanlanıb. Onlar uzun müddət nişanlarını, eləcə də şəxsi həyatlarının digər təfərrüatlarını gizli saxlayıblar. Hələ mayda Dakota və Krisin ayrılması ilə bağlı söz-söhbətlər yayılmağa başlamışdı. Musiqiçinin başqa xanımla görüntüləndiyi iddia edilib.

Bu, Conson və Martinin ilk ayrılması deyil. Münasibətlərini 2019-cu ildə də son qoyan cütlük sonra barışıb.