Aparıcı Mətanət Əliverdiyeva Bakı-Qroznı reysini yerinə yetirən AZAL-a məxsus “Embraer 190” təyyarəsinin Aktauda qəzaya düşməsindən danışarkən göz yaşlarını saxlaya bilməyib. 

Axşam.az xəbər verir ki, aparıcı bu haqda "Xəzər axşamı" verilişində söz açıb. 

"Biz kənardan izləyib psixoloji vəziyyətimizi tənzimləyə bilmirik. Şəxsən mənə çox pis təsir etdi. Hər birimiz uzaq yola çıxanda dua edirik. Bir-birinizi sevin, hər gün bir-birinizi qucaqlayın, öpün, xətrinə dəyməyin (kövrəlir). Suda, quruda nəsə ola bilər. Həyat bir anda yox olur" deyə, aparıcı bildirib.