Xəbər verdiyimiz kimi, hazırda həbsxanada olan prodüser Təranə Səmədovanın qızı Suel "Təsir dairəsi" verilişinə qatılıb.

Axşam.az xəbər verir ki, proqramın aparıcısı Lalə Azərtaş Təranənin ona göndərdiyi məktubu oxuyub. O bildirib ki, Təranə qızına qucaq açdığı üçün ona təşəkkür edib.

L.Azərtaş canlı yayımda məktubu oxuyub. O bildirib ki, Təranə 

Qeyd edək ki, Suel proqrama gələrək anasının həbsxanadan çıxarılmasına kömək edilməsini istəyib. O bildirib ki, bacısı hazırda körpələr evindədir. Onun bu yaxınlarda 3 yaşı tamam olacaq və bacısı uşaq evinə göndəriləcək.

Xatırladaq ki, T.Səmədova 2017-ci ildə də qadın alverində ittiham olunaraq 2 il müddətinə azadlıqdan məhrum edilmişdi. 2019-cu ildə azadlığa çıxan tanınmış prodüser ötən il də qanunsuz olaraq narkotik maddə gəzdirdiyi üçün saxlanılmışdı. Məhkəmə T. Səmədovanın hamilə olduğunu nəzərə alaraq, ona həbs cəzası verməmişdi. Prodüser 400 manat məbləğində cərimə olunaraq sərbəst buraxılmışdı.

Onu da əlavə edək ki, 2022-ci ilin dekabrında T.Səmədovanın əri Rasim Həsənov da hədə-qorxu ilə pul tələb etmə ittihamı ilə saxlanılmışdı.