Türkiyəli müğənni İbrahim Tatlısəs qızı Dilan Çıtakı məhkəməyə verib.

Axşam.az xəbər verir ki, iddiaya görə, tərəflər arasında mübahisə Bodrumda yaşanan hadisə ilə əlaqədardır.

Hadisə ötən il Bodrumda bir məkanda baş verib. Ata və qız arasında yaranan gərginlik zamanı Dilan İbrahim Tatlısəsin başına televizor pultunu atıb. Hadisədən sonra Tatlıses hüquqi yollara əl ataraq qızı haqqında rəsmi şikayətçi olub.

İddia ilə bağlı başladılan istintaq çərçivəsində atılan pultun "silah" kimi qiymətləndirilib və məsələ daha ciddi hüquqi prosesə çevrilib.

Məsələ ilə bağlı məhkəmə prosesinin davam edir. Tərəflərdən hələlik bu barədə açıqlama verilməyib.