İyunun 17-də “Bakı-2015” birinci Avropa Oyunlarında çimərlik voleybolu yarışlarının ikinci gününə start verilib.

Axşam.az AzərTac-a istinadən xəbər verir ki, gün ərzində kişilər arasında 16, qadınlar arasında isə 15 qarşılaşma keçiriləcək. Avropa Oyunları Parkında təşkil olunan yarışda Azərbaycanın iki kişi cütlüyü mübarizə aparacaq. Belə ki, Santos Neilton-Rudix Yaroslav Çexiyanı təmsil edən Kufa Robert-Dumek Jab cütlüyünə, Romano Bernardo-Qritsai Leonid isə litvalı Rumsevicius Arnas-Kazdailius Lukas duetinə qarşı yarışacaq.