Mett və Cessika Conson adlı cütlük hər şeylərini sataraq dünya səyahətinə çıxıblar.

Axşam.az-ın Rusiya mediasına istinadən məlumatına görə, 2011-ci ilin avqustunda onlar əllərində olan bütün mülklərini və bahalı əşyalarını sataraq yaxta alıblar.

Dünya səyahətinə çıxan cütlük Baham adaları, Yamayka, Kuba, Perunun da daxil olduğu 16 ölkədə olublar. 2012-ci ildə Consonlar komandalarına yeni üzv əlavə ediblər:

"Artıq başa düşdük ki, nəsə dəyişiklik etmək lazımdır. Əvvəl övlad sahibi olmaq istədik, lakin sonra qərara gəldik ki, bunu hələlik təxirə salaq. Bu səbəbdən pişik aldıq. Çox əyləncəlidir, bütün günü suya baxır, hətta üzməyi bizdən yaxşı bacarır".

Bütün dünyanı gəzməyi planlayan ailə hələ də açıq okean səyahətinə davam edir.