Stress, şəxsi həyatındakı uğursuzluq və körpəsinin dünyaya gəlməsi müğənni-aktrisa Cessika Simpsonun xarici görünüşünə təsirsiz ötüşməyib.

Axşam.az xarici mətbuata istinadən xəbər verir ki, pəhriz saxlayan və idmanla məşğul olan sənətçi sosial şəbəkədə yeni fotolarını paylaşıb. 35 yaşlı ifaçının ayaqları istifadəçiləri təəccübləndirib. İzləyicilərin çoxu Cessikanın fotolarına “Ayaqlarına nə olub?”, “Kişi ayaqlarına oxşayır” şərhlərini yazıblar. C.Simpson isə cavabında “Mən özümlə fəxr edirəm”, - deyə qeyd edib.

Qeyd edək ki, Cessika Simpson 2002-2006-cı illərdə musiqiçi Nik Laşe ilə ailəli olub. O, ötən il isə 4 illik münasibətdən sonra Erik Consona ərə gedib. Cütlüyün Maksvell Dryu adlı qızı, Eys Knute adlı oğlu var.