Müğənni Natavan Həbibi və Nadir Qafarzadə Bilgəhdə yerləşən müharibə və əmək əlilləri üçün pansionata yollanıb, yaşlı sakinlərə baş çəkiblər.

Axşam.az-ın məlumatına görə, ifaçılar onlar üçün iftar süfrəsi açıb, konsert veriblər.

Təəssüratlarını bölüşən N.Həbibi kədərləndiyini bildirib:

“Sevdiyim sənət dostlarımla birlikdə qocalar evini ziyarətə getdim. Çox kədərləndim. Çünki onlar qocalar evində yox, isti ocaqlarında, övlad, nəvə əhatəsində əyləşməli idilər. Ata və ana insanın yer üzündə var olmasının səbəbkarıdır. Onlara qayğı göstərmək övladın borcudur. Nə etsək də bu borcdan çıxa bilmərik. Böyükləriniz üçün sağlığında nəsə edin. Allah bütün valideynlərə ömür versin. Etdiyimiz əməllər bir gün mütləq qarşımıza çıxacaq”.