“Mən azərbaycanlıyam və öz vətənimlə fəxr edirəm. Hər dəfə Bakıya sevərək gəlirəm. Övladlarım doğma dildə danışırlar, Azərbaycan məktəbində təhsil alırlar”.

Axşam.az-ın məlumatına görə, bu sözləri müğənni-bəstəkar Emin “1news.az”a müsahibəsində deyib.

O bildirib ki, Bakı haqqında mahnı oxumaqdan zövq alır:

“Hər dəqiqə dahi Müslüm Maqomayevi xatırlayıram. Öz adətlərimizi ən rəngarəng formada təbliğ etməyə çalışıram. Bakıda 3 il yaşamağıma baxmayaraq, özümü əsl azərbaycanlı kimi hiss edirəm. Bu hissləri içimdə heç zaman öldürə bilmərəm. Rusiyanı sevirəm, amma bu içimdəki Azərbaycan sevgisini üstələyə bilməz”.

Emin "Jara” festivalının 2017-ci ildə də baş tutacağından xəbər verib:

“İlk növbədə istəyirəm bu dəfə dörd gün davam etsin. Festivala təkcə Rusyadan yox, dünyanın başqa yerlərindən məşhurlar dəvət etməyi planlaşdırıram. İndi Amerika kanalları ilə danışıqlar aparıram ki, "Jara”nı okeanın o tayında da göstərsinlər. Bu zaman festival daha da məşhurlaşacaq”.