Cənubi Afrikada yerləşən Malavi Respublikasının Ali Məhkəməsi müğənni Madonnanın iki uşağı övladlığa götürməsi barədə qərar qəbul edib.

Axşam.az-ın xarici KİV-ə istinadən məlumatına görə, bir müddət əvvəl ifaçının iki əkiz qız uşağını himayə etməsi barədə məhkəməyə müraciət etməsinə müsbət cavab gəlib. Dövlət uşaqların sənətçiyə verilməsi barədə qərar çıxarıb.

Qeyd edək ki, Madonna bundan əvvəl adıçəkilən ölkədən 2008-ci ildə Devid Banda adlı bir oğlan, 2009-cu ildə Mersi Ceyms adlı bir qızı götürüb saxlayır. Müğənninin özünün isə Ludres adlı qızı, Rokko adlı oğlu var.