Aktrisa Ember Herd ərə getməyə hazırlaşdığı milyarder sevgilisi İlon Maskdan ayrılıb.

Axşam.az-ın xarici KİV-ə istinadən məlumatına görə, bir həftə ayrılan cütlük haqda xəbər mətbuata bu gün sızıb.

Ember və İlona yaxın mənbənin sözlərinə görə, ayrılığı Mask istəyib. Belə ki, son zamanlar aktirsanın özünü aparması və şöhrətin gözünü tutması milyarderin xoşuna gəlməyib və onu tərk edib.

Məlumata əsasən, İlon hazırda Los-Ancelesdə, Herd isə Avstraliyadadır.

Xatırladaq ki, İ.Mask ötən il aktyor Conni Deppdən boşanan Emberin yanında olaraq onu təsəlli edibmiş. Həmin zaman yaxınlaşan cütlüyün bu yaxınlarda toya hazırlaşdığı bildirilirdi.

Qeyd edək ki, İ.Mask "Tesla Motors" şirkətinin icraçı direktorudur. Onun varidatı 12 milyard dollar dəyərində qiymətləndirilir.