Türkiyənin məşhur modelyeri Barbaros Şansal həbs edilib.
 
Axşam.az-ın "Habertürk"ə istinadən məlumatına görə, modelyer yeni il tətili üçün getdiyi Şimali Kipr Türk Cümhuriyyətində saxlanılıb və İstanbula göndərilib.
 
Məlumata görə, Atatürk Hava limanında Türkiyə vətəndaşları ona hücum etməyə çalışıblar, lakin polis onların qarşısını alıb.
 
Barbaros əvvəlcə xəstəxanada müayinədən keçirilib, sonra İstanbul Polis İdarəsinin Terrorla Mübarizə şöbəsinə aparılıb.
 
O, sosial şəbəkədə Türkiyə əleyhinə görüntülərin yayımlanmasına görə ittiham edilir.
 
Qeyd edək ki, 2005-ci ilin may ayında Lefkoşa aeroportunda  Barbaros Şansalın üzərində narkotik aşkarlanıb və buna görə onun barəsində bir aylıq həbs qərarı qəbul olunub.