Xəbər verdiyimiz kimi, ötən gün “Altın kelebek” mükafatlandırma gecəsi keçirilib.

Axşam.az-ın məlumatına görə, gecədə Azərbaycanı əməkdar artist Röya Ayxan və “Eurovision 2011” qalibi Nigar Camal təmsil edib.

Gecədə Röya mükafatı qazansa da, gündəmə Nigar gəlib. Nigarın həm geyimi, həm də saçlarını boyaması müzakirələrə səbəb olub.

Bir müddət əvvəl N.Camal saçlarını qara rəngə boyamışdı. İndi isə o, yenidən əvvəlki görünüşünə qayıdıb. Sosial şəbəkə izləyiciləri Nigarın hər kəsi aldatdığını, əslində onun heç vaxt saçlarının rəngini dəyişmədiyini yazıblar. Nigar qara parikdən istifadə edib.

Fotolara yaxından baxdıqda Nigarın başındakının parikə bənzədiyi görülür.