Müğənni Azəri Günel Zeynalova işlə əlaqədar Qazaxıstana yollanıb.

Axşam.az-ın məlumatına görə, Rixosda qalan sənətçinin başına xoşagəlməz hadisə gəlib. Günel əvvəlcə çemodanını itirib. Daha sonra isə onun içərisində pul və pasportu olan çantasını oğurlayıblar.

Müğənni bu haqda sosial şəbəkədə paylaşım edib. Günel bildirib ki, oteldə çalışanlar ona kömək etməyib. İfaçı polisə  şikayət ərizəsi yazdığını və oteli biabır edəcəyini deyib:

“Heç kim maraqlanmır. Deyirlər ki, bizi maraqlandırmır. Müdir isə evində yatır və oyanmır. Qazaxıstana gəldiyim andan başıma gəlməyən qalmadı. Rixos-u biabır edəcəm. Polis çağırdım, onlar maraqlanacaqlar. Biabırçılıqdır. Çantamı tapıb, içindəki pulları da götürüb sayıblar. Kameralara baxmağımıza icazə vermirlər”.