Biznes-ledi Ruhi Əliyevanın və ATV-nin birgə gerçəkləşdirdiyi “Özünə bax-2” zövq yarışmasının qalibi Sevinc Bayramova maraqlı açıqlama verib.

O, lent.az-a  bildirib ki, onun Azərbaycanın ən zövqlü xanım seçilməsi bir çoxlarının ürəyincə olmayıb:
 
“Sözün düzü, yarışmada qalib olmadan öncə bir çox iştirakçılar mənə dəstək olduqlarını söyləyirdilər. Amma qalib gələndən sonra məni təbrik edənlər az oldu. Final gecəsindən qabaq onlara söyləyirdim ki, içinizdə mən də daxil olmaqla münsiflər on altı nəfərdən ibarət iştirakçını seçib, finalda yarışmaq hüququ veribsə, hamımız qalibik. Nəticədə smslərin və münsiflərin səs verməsi nəticəsində mən qalib oldum”.