Noyabrın 20-də “28 Cinema”da Hasan Kiraçın rejissoru olduğu “Birləşən Könüllər” türk filminin qala-premyerası keçirilib.

Axşam.az-ın məlumatına görə, gecəyə ekran işinin yaradıcı heyəti - aktyorlar Sərkan Şənalp, Səma Çeyrəkbaşı, Fərdi Akarnur və başqaları qatılıb. Baş rolda iştirak edən aktrisa Hande Soral isə Bakıya gəlməyib.
Aktyorlar filmi tamaşaçılarla birlikdə izlədikdən sonra media nümayəndələrinin suallarını cavablandırıblar.

Qeyd edək ki, “Birləşən könüllər” filmi İkinci Dünya müharibəsi dövründə yaşanmış eşq hekayəsindən bəhs edir.

Foto: Rəşad ABBASOV