Müğənni Şəbnəm Tapdıq “Həyat tərzi” verilişinin qonağı olub.

Axşam.az-ın məlumatına görə, ifaçı ailə qurmamasından danışıb:

“Abır-həyamı atama, ailəmə və sənətimə görə qoruyuram. 17 yaşımdan müğənniyəm. 37 ildir sənətdəyəm. Ailə qurmağa nə var ki... Dərdimdən ölən o qədərdir. İstəsəm, ərə gedərəm. İnsanın gərək ruhu, dünyagörüşü, savadı uyğun gələ. Hər kəsin öz tayı var. Bu yaxınlarda 32 yaşlı bir oğlan mənə elçi düşmüşdü. Heç rus dilini də bilmirdi. Mən 5 əcnəbi dildə danışıram.

25 il əvvəl yaraşıqlı bir nişanlım olub. Xaricdə işləyirdi, bütün qızlar onun dərdindən ölürdü. Dedi, sən oxumayacaqsan. Getdim üzüyünü qaytardım. Mənim abrım var axı, onu necə itirə bilərəm? Ərə getsəm də, bilirəm hara gedirəm, hardan gəlirəm. İndi də ailə qurmuram ki, oxumağa qoymazlar. Gərək musiqiçi olsun ki, mən də ərə gedim. İndikilər kişini tum kimi çırtlayırlar: bu gün birinə, sabah başqasına. Xanım bir dəfə ərə gedər. Şahzadələr kimi yaşayıram, atama baxıram”.