Model Adriana Lima həyat yoldaşı Marko Yariçdən rəsmi şəkildə boşandıqdan sonra adı bir çox sevgi dedi-qodularında hallanır.

Axşam.az-ın Türkiyə mətbuatına istinadən məlumatına görə, o, mühafizəçisi Co Tomasla da bir müddət sevgili olduqdan sonra ayrılıb. Braziiliyalı supermodel hər dəfə yeni sevgidə adı çəkildikcə aktyor Leonardo DiKaprio ilə müqayisə olunur və hətta "ətəkli Leonardo DiKaprio" da adlandırılır.

Bir müddət əvvəl əfsanəvi aktyor Klint İstvudun oğlu Skottla, keçən həftə isə futbolçu Samir Hedira ilə görüntülənən və sevgili olduğu deyilən Limanın əslində amerikalı futbolçu Culian Edelmanla görüşdüyü deyilir.

Şayiələrə görə, A.Lima Mayamiyə səyahəti zamanı Culianla tanış olub. Cütlük əl-ələ gəzərkən görünüblər.