Tanınmış "UC-Kuduk" özbək qrupu yenidən Bakıya gəlib.

Axşam.az-ın məlumatına görə, bu dəfə qrupun solisti Ziyad İşanxocayevlə birlikdə digər üzvlər də şəhərimizin qonağı olub. Müğənni Roza Zərgərlinin dəvəti ilə paytaxta gələn Ziyad İşanxocayev şəhəri gəzmək imkanı da əldə edib. R.Zərgərli birlikdə oxuduqları “Tı i ya” adlı mahnıya klip çəkdirəcəklərini bildirib. Sənətçi özbək müğənnisinin onun ifasını bəyəndiyini və işbirliklərinin bundan sonra da davam edəcəyini vurğulayıb.

Qeyd edək ki, Röza Zərgərli və Ziyad İşanxocayev “Şərq bazarı” müsabiqəsində tanış olub.