Türkiyəli psixoloq və aparıcı Esra Ezmecinin yeni televiziya mövsümü üçün Azərbaycandan təklif aldığı iddia edilib.

Axşam.az xəbər verir ki, bu barədə "Snob Magazin" məlumat yayıb. Bildirilib ki, mövsüm finalından sonra fəaliyyətinə ara verməyən Esra Ezmeci hazırda yutub layihəsi ilə izləyicilərinin qarşısına çıxır. Bununla yanaşı, onun yeni televiziya layihələri üzərində də çalışdığı qeyd olunub.

İddiaya görə, yeni mövsüm üçün hazırlıqlara başlayan bir neçə televiziya kanalı Ezmecini öz heyətinə cəlb etmək istəyir. Aparıcıya həm Türkiyədən, həm də xaricdən təkliflərin gəldiyi bildirilir.

Maraqlı məqam isə odur ki, onun Azərbaycandan gələn təklifə daha müsbət yanaşmasıdır. Məlumatlara əsasən, ən diqqətçəkən təklif  Azərbaycanda fəaliyyət göstərən televiziya kanallarından birindən olub. Lakin sözügedən kanalın adı hələlik açıqlanmayıb.

Digər bir mənbə isə onun ARB TV olduğunu yazıb. Bildirilib ki, ona təklif edilən veriliş ötən mövsüm yayımı dayandırılan, Xoşqədəm Hidayətqızının aparıcısı və layihə rəhbəri olduğu "Səni axtarıram" proqramı ilə eyni formatda olacaq. 

Qeyd edək ki, Esra Ezmeci son illər təqdim etdiyi psixoloji mövzulu proqramlar və sosial şəbəkədəki paylaşımları ilə geniş izləyici auditoriyası qazanıb.