Dünyaca məşhur keçmiş futbolçu Devid Bekhem və həyat yoldaşı, britaniyalı modelyer Viktoriya Bekhemin qızı Harper təhlükəylə üzləşib.

Axşam.az xarici mətbuata istinadən xəbər verir ki, kimliyi məlum olmayan bir qadın cütlüyün qızının təhsil aldığı məktəbə gəlib və Harperlə görüşmək istədiyini deyib. Qadın uşağın onun qızı olduğunu sübut etməyə çalışıb. O, Devid Bekhemlə uzun illər cinsi əlaqədə olduğunu iddia edib.

Hadisədən sonra qadın mayın 12-dək keçirilməsi nəzərdə tutulan məhkəməyə qədər xəstəxanaya yerləşdirilib.

Devid Bekhem isə məsələ ilə bağlı açıqlama verərək həmin xanımı tanımadığını bildirib.