Tənqid olunan Bəhram Bağırzadə üzr istədi - Video

Tənqid olunan Bəhram Bağırzadə üzr istədi - Video
6268 dəfə oxunub
  • A-
  • A
  • A+

Əməkdar artist Bəhram Bağırzadə bir neçə gün əvvəl sosial şəbəkədə fiziki məhdudiyyətli şəxslə yayımladığı videosuna görə üzr istəyib.

Axşam.az xəbər verir ki, həmin şəxlə bir araya gələn aktyor bunu pis niyyətlə etmədiyini bildirib:

"Bu yaxınlarda bir jurnalist mənə sual verdi ki, həyatında ağır günün olub? Dedim ki, olmayıb, amma bəlkə gələcəkdə oldu. Əfsuslar olsun ki, iki gün əvvəl oldu. İki gecədir özümə gələ bilmirəm, yatmıram, fikir çəkirəm. Çünki Allahın bəndəsinin haqqına girmişəm,qəlbinə toxunmuşam. Ən maraqlısı isə odur ki, videodakı vətəndaş mənim qonşumdur, eyni məhəllədə qalırıq. Neçə ildir salam-sağolumuz var. Həmin gün TikTok-da məsləhət verilişi açmışdım. Orada sıravi vətəndaşlara sual verdim. Onlar da öz peşələri barədə məsləhət verməli idi. İlk qarşıma çıxan isə qonşum oldu və sualı ona ünvanladım. Çox emosional idim, evə gələn kimi videonu yayımladım. Özüm də heç hiss etmədim ki, başıma belə bir iş gələ bilər. Kiminsə qəlbinə toxunmuşamsa, üzr istəyirəm. İlk növbədə də Araz qardaşımdan".

Həmin şəxs isə məsələ ilə bağlı bunları deyib:

"Səhvsiz insan olmur, hər insanın başına iş gələ bilər. Video təmiz niyyətlə çəkilmişdi, amma başqa cür oldu. Səndən heç bir narazılığım yoxdur".

Qeyd edək ki, Bəhram Bağırzadə sözügedən videoda fiziki məhdudiyyətli şəxsin etirazına məhəl qoymadan onu videoya çəkmişdi. Təkidlə suallarına cavab alan aktyorun bu hərəkəti izləyicilərin tənqidinə səbəb olmuşdu.