Gənc rejissor Elvin Abdullayevin yeni “Santa Mariya gəmisi” adlı filmi insanların marağına səbəb olub.

Axşam.az-ın Qafqazinfoya istinadən məlumatına görə, filmdə baş verən hadisələrdə gənclərin siqaretə meyl etməsi və onun acı nəticəsi nümayiş olunub.

Sözügedən film real hadisələr əsasında lentə alınıb və 18 yaşından yuxarı gənclər üçün nəzərdə tutulub. Filmdə açıq-saçıq səhnələr yer alıb.

Erotik səhnələrin də yer aldığı filmin ssenarisi də rejissorun özünə aiddir.

Filmdə Səfa Mehdi, Rəna Ağamuradova, Elmar Abdullazadə, Cövdət Şükürov, Türkay Verdiyeva, Edqar Abdullayev, Leyla Atayeva rol alıb.

Film kollektivin büdcəsi hesabına çəkilib.

Qeyd edək ki, “Santa Mariya gəmisi” filmi “2-ci No Smoking Film Festivalı”nda iştirak edəcək.