"Rusiya Azərbaycan sahibkarlarına dəyəri 7 milyard yarım dollarlıq 18 investisiya layihəsi təqdim edib".

Axşam.az ANS-ə istinadən xəbər verir ki, bunu Rusiyanın regional inkişaf naziri İqor Slyunyayev Qəbələdə keçirilən Azərbaycan-Rusiya Regionlararası Forumunda deyib.

Forumun iştirakçıları İsmayıllı rayonunda malakanların kompakt yaşadığı məşhur İvanovka kəndinə baş çəkiblər. Burda insanların həyat tərzi, təsərrüfat fəaliyyətilə tanış olan Rusiyanın regional inkişaf naziri İqor Slyunyayev Azərbaycandakı tolerantlığa heyran qaldığını bildirib.

Bu səfərdə ən maraqlı məqam isə Azərbaycanın Rusiyadakı səfiri Polad Bülbüloğlunun İvanovka xanımları ilə birgə məşhur rus xalq rəqsini ifa etməsi olub.