Xalq artisti Emin Ağalarov məşhur britaniyalı estrada müğənnisi Engelbert Hamperdinklə görüşüb.

Axşam.az xəbər verir ki, bu gün "Help me make it through the night" adlı mahnıya çəkilən kliplərini təqdim edən sənətçilər Britaniyada bir araya gəliblər.

Emin sosial şəbəkədə paylaşım edərək iyulun 24-dən 28-dək Bakıda keçiriləcək “Dream fest” beynəlxalq musiqi festivalında Engelbertin də iştirak edəcəyini qeyd edib.

Qeyd edək ki, Xalq artisti ötən yay Engelberti Bakıdakı “Ulduzlar xiyabanı”nın açılışına dəvət etmişdi.